Comune di Curcuris

 Vademecum po su manìgiu de is leis a tutela de is lìnguas de minoria - 2

 

vademecum2.jpgCustu Vademecum est una gènia de guida aundi s’arrespundit, cun figuras e fumetus chi podint interessai fintzas a is piciocheddus, a preguntas asuba de sa Lìngua sarda.

Is preguntas pertocant, pruschetotu, su profetu mannu chi nosu sardus teneus gràtzias a is leis a tutela de is lìnguas de minoria.

Si podit agatai duncas s’arrespusta chi si fait isciri comenti si podeus abàlliri de totus is diritus chi teneus gràtzias a custas leis:

 

sa lei n. 482 de su 1999

- Normas a tutela de is minorias linguìsticas istòricas;

 

sa lei de sa Regioni Sardigna n.26 de su 1997

– Promotzioni e valorizatzioni de sa cultura e de sa lìngua de sa Sardigna

 

Si podint agatai puru atras chistionis e crosidadis asuba de sa Lìngua Sarda.

Su Vademecum at a bessiri a puntadas cun unas cantu preguntas e arrespustas a borta.

Pubblicada in sa setzioni Notizie su 07/05/2013


ALLEGATO
Vademecum po su manìgiu de is leis a tutela de is lìnguas de minoria - 2